Австриската полиција во понеделникот започна масовна операција за потрага по маж осомничен за убиство на две лица, вклучувајќи го и градоначалникот на Кирхберг во Горна Австрија. Полицијата го бара 56-годишниот маж, кој е вооружен и сметан за крајно опасен, изјави портпаролката Улрике Хендлбауер за телевизијата ОРФ.
Осомничениот е обвинет дека пукал во две лица под неразјаснети околности. Според официјални извори, 64-годишниот градоначалник на Кирхберг на Дунав, мал град со околу илјада жители, е убиен „најверојатно поради неговата дозвола за лов“. Неговото тело е пронајдено на неколку километри од местото, а другата жртва е службеник на ловечкото друштво.
Регионалниот гувернер Томас Селцер изрази жалење за „незамисливиот чин што ја шокираше земјата“ и упати сочувство до семејствата на загинатите.
