На социјалните мрежи се појави видео кое покажува жена во една зграда во Нови Сад како подметнува пожар и им се заканува на станарите со сабја.
Според информациите од видеото кое го објави „Инстаграм“ страницата „nsuživo.rs“, станарите на таа зграда веќе неколку месеци се соочуваат со агресивното и опасно однесување на оваа жена. Жената е обвинета за повеќекратни акти на насилство и предизвикување пожари.
Во видеото се гледа како жената им се заканува на останатите жители и намерно запалува делови од зградата. Иако станарите поднеле бројни пријави до надлежните институции, сè уште нема официјален одговор или акција за решавање на проблемот. Засега не е познато зошто жената го прави тоа што се тврди во видеото.
