Тројца мажи изгубија животот во трагичен инцидент кога два лесни авиона се судрија во воздухот и се урнаа во шумска област југозападно од Сиднеј. Полицијата, пожарникарите и екипите на Итната помош пристигнаа на местото на несреќата, која се наоѓа 88 километри југозападно од австралискиот град.
Според информации од вршителот на должноста началник на полицијата во Нов Јужен Велс, Тимоти Калман, авион „цесна 182“ со две лица се судрил со ултралесен авион, кој имал само еден патник.
Причината за трагичната несреќа ќе ја истражува Австралиското биро за безбедност на транспортот, кое се обидува да ги утврди околностите кои довеле до судирот.
