Американската влада официјално објави околу 10.000 страници документи поврзани со атентатот на сенаторот Роберт Кенеди, кој се случи во 1968 година. Ова претставува дел од поширокиот процес на декласификација на доверливи информации, инициран со одлука на тогашниот претседател Доналд Трамп, со цел јавноста да добие увид во клучни историски настани.
Објавените документи се достапни преку Националната администрација за архиви и записи, која информираше дека 229 досиеја со вкупно илјадници страници се поставени на нивната официјална веб-страница за слободно прегледување. Содржината се однесува на различни аспекти од истрагата на федералните власти по убиството на сенаторот Кенеди, кое остави длабока трага во американската историја.
Директорката на Националното разузнавање, Тулси Габард, ја поздрави оваа одлука, истакнувајќи дека објавувањето на овие информации конечно ќе донесе „долгоочекувано осветлување на вистината“ за еден од најконтроверзните случаи во американската политика.
„Речиси шест децении по трагичната смрт на сенаторот Кенеди, американските граѓани конечно ќе имаат можност да погледнат во истражниот процес на федералната влада. Ова е чекор напред во борбата за транспарентност и историска правда, а заслугата за тоа му припаѓа на претседателот Трамп“, изјави Габард.
🚨 NEW: The first tranche of files related to the assassination of Senator Robert F. Kennedy is now available online at https://t.co/VUbDdS5Ljj.
— U.S. National Archives (@USNatArchives) April 18, 2025
This release fulfills part of President Trump’s maximum transparency promise in Executive Order 14176. pic.twitter.com/rkNeUIENAs
