Денеска почина проф. д-р Јован Јуруковски, еминентен гинеколог и акушер, чиј придонес во македонската медицина и медицинската едукација ќе остане траен белег.
Проф. д-р Јуруковски беше долгогодишен редовен професор на Медицинскиот факултет во Скопје, каде што извршуваше значајни функции, меѓу кои продекан и шеф на Катедрата за гинекологија и акушерство.
Како директор на Гинеколошко-акушерската клиника во Скопје, тој одигра клучна улога во модернизацијата на здравствените услуги, воведувајќи најсовремени медицински стандарди и методи.
Неговата академска дејност не се ограничуваше само на Македонија. Беше автор на бројни научни трудови и истражувања кои беа објавени во престижни меѓународни списанија, меѓу кои и во Оксфорд, Англија, каде што дел од своето образование го надгради во реномирани медицински институции.
Покрај својата академска и клиничка кариера, проф. д-р Јуруковски беше и основач на ПЗУ Јуруковски – приватна здравствена установа која нуди високо професионални гинеколошки и акушерски услуги.
