Комерцијален авион на авиокомпанијата „Американ Ерлајнс“ (American Airlines), кој превезувал десетици патници, се урна во близина на Вашингтон, главниот град на САД, пренесуваат светските медиуми.
Според првичните информации, авионот полетал од Вичита, Канзас, и превезувал вкупно 60 патници и четворица членови на екипажот. Несреќата се случила додека леталото се приближувало кон слетната писта на аеродромот „Роналд Реган“, при што, наводно, дошло до судир со хеликоптер.
Засега нема официјална потврда за евентуални жртви, но американската телевизија CBS, повикувајќи се на полициски извори, објави дека во водите на реката Потомак, каде што паднал авионот, се пронајдени 18 тела. Истовремено, весникот „Вашингтон пост“ информира дека спасувачките екипи веќе извлекле повеќе тела од реката.
