Стапката на раѓање деца во Македонија е речиси идентична со просекот на Европската Унија, но податоците откриваат големи разлики меѓу регионите во земјава. Најповолна е состојбата во Скопскиот регион, додека Источниот регион бележи најниска стапка на наталитет.
Според најновите податоци на Евростат, во Македонија просечно се регистрираат 1,35 живородени деца по жена. За споредба, просекот во Европската Унија во 2024 година паднал на 1,34 деца по жена, достигнувајќи го најниското ниво досега.
Кога станува збор за состојбата во Македонија, Скопскиот регион се издвојува со 1,73 живородени деца по жена, што е највисока вредност во земјава. Над националниот просек се наоѓаат и Североисточниот регион со 1,40 и Пелагонискиот регион со 1,36 деца по жена.
На спротивниот крај од листата е Источниот регион, каде што стапката изнесува само 1,16 живородени деца по жена. Во Полошкиот и Југозападниот регион таа е 1,27, додека во Југоисточниот достигнува 1,30. Во Вардарскиот регион се регистрирани 1,31 живородено дете по жена.
Овие бројки покажуваат дека демографските движења не се исти во сите делови од државата.
Особено ниски стапки се забележани во одделни делови од Шпанија и Италија. Помалку од едно живородено дете по жена имало во 16 региони во Шпанија, седум во Полска, пет во Италија, три во Грција, како и во по два региона во Германија и Литванија.
Веста ја пренесува Skopje1.mk
