Поради сериозното влошување на безбедносната ситуација во Сирија, Министерството за надворешни работи и надворешна трговија на Република Македонија апелира до сите наши државјани кои престојуваат во оваа држава да ја напуштат што е можно поскоро. Истовремено, се советува сите планирани патувања кон Сирија да се одложат до понатамошно известување.
Министерството предупредува на потенцијално натамошно влошување на условите, што би можело да доведе до ограничени или целосно прекинати можности за евакуација. Во вакви околности, одложувањето на заминувањето би можело дополнително да го загрози безбедното напуштање на земјата.
Нашите дипломатски и конзуларни служби се целосно ангажирани за да им пружат поддршка и асистенција на сите македонски државјани кои имаат потреба од помош. Министерството ги охрабрува граѓаните да ја користат дежурната СОС линија на телефонскиот број +389 75 268 736 или да се обратат преку електронската пошта на globalsos@mfa.gov.mk за каква било помош или информации.
