(ВИДЕО) Ритко објави дека му се заканувале рекетари: „Во црна вреќа ќе ти го донесам…“

Познатиот јутјубер Ритко Мемедов побара помош преку социјалните мрежи од Министерството за внатрешни работи (МВР), откако откри дека подолг период добивал сериозни закани.

„До надлежните институции, особено до МВР: Овие лица подолг период ме рекетираат, од мене присилно бараат пари и ми упатуваат сериозни закани дека ќе ме нападнат и физички ќе ме повредат. Ситуацијата трае веќе подолго време и се чувствувам загрозено за мојата безбедност.

Ги молам МВР и надлежните институции сериозно да го разгледаат случајот, да преземат соодветни мерки и да ја проверат целата ситуација. Напоменувам дека лицето со капата нема никаква поврзаност со овие лица и не е дел од целиот случај“, објави Ритко.

Видеото може да го погледнете на неговиот профил ТУКА.