Според податоците од глобалните платформи за следење на квалитетот на воздухот, Скопје утрово се најде на неславната листа на најзагадени градови во светот, заземајќи го четвртото место.
Загадувањето на воздухот и овојпат се припишува на комбинацијата од користењето на огревни материјали за затоплување, индустриските емисии, сообраќајниот метеж и неповолните временски услови кои го спречуваат расчистувањето на воздухот.
Главниот град на Македонија се наоѓа на четвртото место со индекс на загаденост од 157, додека пред него се Каиро со 198, Лахор со 212 и Делхи со индекс 227.
