Во центарот на Белград, главниот град на Србија, денеска се појавија провокативни плакати со ликовите на Доналд Трамп и Илон Маск, заедно со слоганот „Make Serbia great again“ (Да ја направиме Србија повторно голема). Дополнително, на плакатите се прикажува мапа на која територијата на Македонија е прикажана како дел од Србија, што предизвика контроверзии.
Овие плакати се дело на конзервативното движење „Наши“. На нивниот официјален веб-сајт е објавено објаснување за акцијата, каде што се повикуваат сите Срби да се обединат околу принципите на слобода и национално единство. Во соопштението се истакнува дека акцијата има за цел да инспирира борба за враќање на Србија на нејзиното „историско место“ на Балканот.
Оваа иницијатива предизвика бројни реакции, особено поради спорната мапа која ги вклучува соседните држави во рамките на територијата на Србија, што може да доведе до дополнителни тензии во регионот.
