Фото: Принтскрин
Скопје – Првиот тест период на системот „Безбеден град“ откри каде возачите најчесто ја надминуваат дозволената брзина и каде најмногу поминуваат на црвено светло. На 1 декември, системот регистрирал 110.000 прекршоци, додека на 2 декември бројот се намалил на 50.652, што претставува половично намалување. Од нив, 48.861 биле за пребрзо возење, 1.366 за поминување на црвено светло и 425 за нерегистрирани возила.
Во периодот од 02.12.2025 од 00:00 до 12:00 часот, системот забележал 22.600 нови прекршоци, од кои речиси 95% или 21.400 се за возење над дозволената брзина. Најмногу прекршоци за брзо возење – 4.300 – биле регистрирани на излезот од Скопје кон Тетово, а на булевар „Никола Карев“ – 3.000. Највисоката регистрирана брзина во тест периодот изнесувала 209 км/ч.
Според МВР, камерите на „Безбеден град“ снимаат само возила кои направиле прекршок, без да го бележат вкупниот сообраќај. „Жешки точки“ за прекршоци биле идентификувани: најбрзо се вози на излезот кон Тетово и на булевар „Никола Карев“, додека најмногу поминувања на црвено се регистрирани на раскрсниците на улиците „Цветан Димов“ и „Џон Кенеди“ – вкупно 45 прекршоци.
Минималната регистрирана казна за брзина била при 51 км/ч, додека максималната достигнала 209 км/ч.
