Фото: Принтскрин
Украинскиот претседател Володимир Зеленски изјави дека конечен мировен договор меѓу Киев и Москва можеби никогаш нема да биде постигнат, пренесе британскиот „Гардијан“ повикувајќи се на „РБУ-Украина“.
Зборувајќи пред новинарите, Зеленски нагласи дека на Украина ѝ се потребни безбедносни гаранции уште пред да се разговара за евентуален договор за крај на војната.
„Ова се однесува на разговорот за безбедносните гаранции – зошто се неопходни за Украина. Можно е никогаш да не се потпише конечен документ за завршување на војната“, изјави тој.
Зеленски потсети и на ставот на францускиот претседател Емануел Макрон, кој смета дека гаранциите не треба да се условуваат со официјален крај на конфликтот.
