(Видео) Кина пред Путин ќе открие моќно оружје кое со години го криела од светот

Под зелена церада на камион со осум тркала се крие она што Кина го претставува како најмоќниот ласерски систем за противвоздушна одбрана во светот, кој е подготвен за премиерно прикажување на големата воена парада во Пекинг. За време на пробите ова таинствено оружје не изгледало импресивно, но утре, кога на парадата на Народноослободителната армија (НОА) ќе се тргне заштитниот покрив, светот ќе може да види технолошко чудо – барем според тврдењата на кинеската воена пропаганда, пишува The Telegraph.

Овој ласер ќе биде дел од поворката на високо технолошко вооружување, осмислено за да ја претстави кинеската армија како модерна и интегрирана сила, способна да им парира, па дури и да ги надмине САД. Очекувањата се дека парадата, покрај кинескиот претседател Си Џинпинг, ќе ја следат и рускиот претседател Владимир Путин, севернокорејскиот лидер Ким Јонг-ун и иранскиот претседател Масуд Пезешкиан.

Парадата се одржува по повод 80-годишнината од капитулацијата на Јапонија во Втората светска војна и според најавите ќе биде поголема од оние што досега биле организирани во Москва и Вашингтон.

❗️🇨🇳⚔️🇺🇸 – On September 3, 2025, China will display four new anti-ship missiles—YJ-15, YJ-17, YJ-19, and YJ-20—at its military parade, aimed at countering U.S. naval dominance, particularly aircraft carriers, in regions like the Taiwan Strait and South China Sea.

These missiles… pic.twitter.com/4mpF8iKPc7

— 🔥🗞The Informant (@theinformant_x) August 19, 2025