Фотографии испратени од граѓанин сведочат за крајно загрижувачка ситуација во сообраќајот, во која дете е забележано како поголемиот дел од телото го држи надвор од прозорецот на автомобил во движење.
Според информациите од очевидецот, кој одлучил да остане анонимен, автомобилот најпрво се движел низ Клиничкиот центар, по што продолжил на булевар.
Настанот повторно го отвора прашањето за совесноста на возачите и грижата за безбедноста на децата. Ваквото постапување може да доведе до сериозни последици, бидејќи и најмала непредвидена ситуација во сообраќајот може да го загрози животот на детето.
Безбедноста на најмладите мора да биде приоритет, а одговорноста на возрасните е клучна за спречување вакви опасни ситуации.
Веста ја пренесува Infomax.mk
