Фото: Принтскрин
Од полноќ стапуваат во сила нови цени на нафтените деривати, со кои бензините поевтинуваат, додека дизелот и екстра лесното масло бележат поскапување. Со најновата одлука на Регулаторната комисија, дизелот повторно ќе се продава по повисока цена од бензинот.
Цената на бензинот ЕУРОСУПЕР БС-95 се намалува на 96 денари за литар, додека ЕУРОСУПЕР БС-98 ќе чини 98 денари за литар. Кај дизелот, пак, се бележи раст на цената, па еден литар ЕУРОДИЗЕЛ од полноќ ќе се продава за 99 денари.
Поскапување има и кај екстра лесното масло за домаќинство, чија нова цена ќе изнесува 110,50 денари за литар.
Според одлуката на Регулаторната комисија, бензините поевтинуваат за 2,50 денари по литар, додека дизелот и екстра лесното масло поскапуваат за два денари.
Новите цени се утврдени врз основа на претходната одлука од 13 октомври.
Веста ја пренесува Press24.mk
