Српската пејачка Милица Тодоровиќ го прослави својот 36. роденден во друштво на најблиските, а дел од атмосферата од приватната забава брзо привлече внимание на социјалните мрежи.
За роденденската прослава, која била организирана пред два дена, пејачката ги собрала семејството, пријателите и колегите. Милица за оваа пригода избрала кафеав комбинезон, а фотографиите и видеата што ги споделила на својот официјален профил на Инстаграм откриваат дека забавата поминала во знакот на музиката, танцувањето и доброто расположение.
Меѓу најрасположените гости биле нејзиниот кум Јоца Стефановиќ и пејачката Катарина Живковиќ, која ја презела улогата на забавувач и запеала пред присутните. Гостите уживале во веселата атмосфера, а насмевките и танцувањето биле неизоставен дел од прославата.
Еден од најинтересните моменти се случил кога Милица застанала пред роденденската торта за да ги изгасне свеќичките. Тортата била украсена со црвени детали и симболи на срца, но најголемо внимание предизвикала свеќичката со бројот шест.
Изборот на овa изгледа како духовита шега на сметка на нејзините години, со оглед на тоа што пејачката го прославува својот 36. роденден. Милица и овој пат покажала дека знае да се забавува и да ја претвори роденденската прослава во момент исполнет со смеа и позитивна енергија.
Меѓу гостите била и пејачката Александра Пријовиќ, која, според објавените информации, морала да си замине порано поради лет што го имала истата вечер.
Останатите пријатели и колеги продолжиле да уживаат во дружењето со славеничката, а видеата од прославата покажуваат опуштена атмосфера и Милица расположена во друштво на луѓето што ѝ се блиски.
Роденденот поминал во знакот на музиката, смеата и убавите моменти, а објавите на пејачката им овозможија и на нејзините следбеници да ѕирнат во дел од интимната прослава.
Веста ја пренесува Informer.rs
