Тажна вест ја потресе Бијелина, во Босна и Херцеговина, каде младата Андреа Радовановиќ трагично го загуби животот во сообраќајна несреќа. Наместо да се радува на завршувањето на средното образование и на новите животни почетоци, нејзиното семејство, пријателите и соучениците се соочуваат со ненадоместлива загуба.
Андреа била ученичка во четврта година во Економското училиште во Бијелина. Нејзиниот живот згаснал на 12 октомври, околу 22:15 часот, во тешка сообраќајна несреќа што се случила во населеното место Дворови, во близина на градот.
Во несреќата учествувале автомобил „БМВ“ и мотоцикл „Хонда“, на кој Андреа се наоѓала како сопатничка. Со мотоциклот управувало лице со иницијали П. М., кое, според објавените информации, се здобило со тешки телесни повреди. За младата девојка, за жал, последиците од несреќата биле фатални.
Според наводите што ги пренеле босанските медиуми, возачот на автомобилот бил под дејство на алкохол, по што бил лишен од слобода.
Веста за нејзината смрт остави длабока тага во училиштето каде што Андреа ги поминувала своите средношколски денови. Професорите и соучениците ѝ посветија емотивна проштална порака, во која се потсетија на нејзиниот карактер, односот кон другите и посветеноста на училишните обврски.
Ја опишале како ведра, добра, интелигентна и амбициозна млада личност, која знаела да биде вистинска пријателка и одговорна ученичка. Нејзиното однесување и залагање оставиле позитивен впечаток кај наставниците, а со своите постапки таа придонесувала училиштето да биде претставено во најдобро светло.
Од образовната установа упатиле искрено сочувство до нејзиното семејство и родителите, соочени со болка што тешко може да се опише со зборови.
Наместо очекуваните радосни моменти, зад неа останаа тага, спомени и многу неискажани зборови. По трагичната вест, на социјалните мрежи се појавија бројни пораки со сочувство, преку кои луѓето им изразуваат поддршка на семејството, пријателите и најблиските на младата девојка.
Веста ја пренесува Newz24live.com
