Земјотрес со магнитуда од 3,1 степен е регистриран утрово во Босна и Херцеговина, во 08:34 часот по локално време.
Според првичните сеизмолошки податоци, потресот бил лоциран во поширокиот регион на Горажде, во близина на местото Ковачи. Епицентарот бил определен на координати 43,6895 степени северна географска ширина и 18,7915 степени источна географска должина.
Земјотресот потекнувал од длабочина од околу 10 километри, покажуваат податоците на Европско-медитеранскиот сеизмолошки центар.
Во моментов нема информации за повредени лица или причинета материјална штета. Состојбата во регионот се следи, а доколку има дополнителни информации за последиците од потресот, тие ќе бидат соопштени дополнително.
Веста ја пренесува Direkten.mk
