Шеесет и двегодишен жител на тетовскиот регион е приведен по пријавување во Полициската станица Тетово, откако на социјалните мрежи се појавила видео-снимка поврзана со случајот.
Според информациите од Министерството за внатрешни работи, мажот на 25 септември, околу 21:45 часот, сам се пријавил во полициската станица.
По добиени насоки од јавен обвинител при Основното јавно обвинителство Тетово, тој бил лишен од слобода поради сомнение дека сторил кривично дело „силување на дете кое не наполнило 15 години“, предвидено во член 188 од Кривичниот законик.
Осомничениот е задржан во полициска станица додека траат понатамошните процесни дејствија. Надлежните институции работат на утврдување на сите околности и целосно документирање на случајот.
Од МВР информираат дека по комплетирањето на постапката ќе следува соодветна кривична пријава до надлежните органи.
Веста ја пренесува Skopje1.mk
