Во близина на прилепското село Чумово продолжува изградбата на новиот манастир посветен на Свети Василијe Острошки, кој постепено прераснува во место за молитва, духовен мир и собирање на верниците.
По повод големиот православен празник Воздвижение на Чесниот и Животворен Крст Господов – Крстовден, манастирската управа упатува покана до сите верници и добронамерници да бидат дел од празничното одбележување.
На 27 септември (недела), со почеток во 10:30 часот, ќе се одржат водокрст и прережување на светиот леб.
Од управата велат дека секоја поддршка е добредојдена, особено во периодот кога храмот сè уште е во изградба. Со заеднички придонес, новото духовно место во прилепскиот крај постепено ги добива своите контури.
Сите верници се поканети да го поминат Крстовден во Чумово, да присуствуваат на празничните богослужбени активности и, според своите можности, да дадат поддршка за продолжување на изградбата на манастирот „Св. Василијe Острошки“.
Веста ја пренесува Markukule.mk
