Добри вести за македонските сточари – започна исплатата на финансиската поддршка за одгледувачите на говеда.
Агенцијата за финансиска поддршка во земјоделството и руралниот развој реализираше исплата од 372.201.760 денари, средства наменети за вкупно 4.284 одгледувачи на говеда.
Исплатата е дел од мерките предвидени за финансиска поддршка во земјоделството, со кои се обезбедува помош за земјоделските производители и се поддржува развојот на домашното производство.
Од надлежното министерство посочуваат дека финансиската поддршка за земјоделскиот сектор продолжува, со цел создавање подобри услови за работа и поттикнување на одржливото земјоделство во земјава.
За сточарите, ваквата поддршка е особено значајна во услови кога трошоците за производство и одржување на добитокот претставуваат сериозен предизвик.
Исплатата е веќе реализирана, па одгледувачите на говеда може да ги проверат своите сметки.
Веста ја пренесува Direkten.mk
