Фото: Принтскрин
Во реката Пчиња, во близина на Катлановска Бања, било пронајдено безживотно тело на машко лице, соопшти Министерството за внатрешни работи.
Според информациите од МВР, случајот бил пријавен на 7 јули околу 14:30 часот во СВР Скопје. По пријавата, на местото веднаш излегле надлежните служби кои извршиле увид и ги презеле потребните мерки.
По насока на јавен обвинител, телото е предадено на Институтот за судска медицина, каде ќе биде извршена обдукција за утврдување на причините за смртта.
Надлежните институции работат на идентификација на починатиот, а истрагата за целосно расчистување на околностите под кои настанал случајот е во тек.
Веста ја пренесува Skopje1.mk
