Фото: Принтскрин
Иранските власти се заканија дека ќе ја преземат историската евангелистичка црква „Свети Петар“ во Техеран и ќе ги иселат дваесетте семејства кои живеат во нејзиниот комплекс, пишува „Њујорк Пост“.
Овој потег кон црквата, на која режимот претходно ѝ одзел дел од имотот, според извештаите претставува директна одмазда поради неодамнешната војна со САД и Израел. Ова го тврди Сасан Тавасоли, ирански презвитеријански свештеник кој живее во САД и има директни контакти со претставници на црквата „Свети Петар“.
„Ќе ви ги пренесам нивните зборови буквално: ‘Со години бевме загрижени поради Америка. Америка дојде. Ни удри шлаканица. Ние ѝ возвративме со шлаканица. Потоа Америка се повлече. Затоа повеќе не се плашиме од Америка’“, изјави Тавасоли.
