Македонски доктор уапсен за вчерашното убиство во Охрид!?

Убиство во Охрид вчера ја потресе Македонија, а Министерството за внатрешни работи (МВР) го уапси осомничениот за кој „Охрид1“ пишува дека бил доктор.

„Охрид1“ од свои извори дознава дека докторот работел во Скопје, но засега не се откриваат повеќе детали.

„Денеска (27.03.2026) во 17:20 часот во тетовското село Брвеница, полициски службеници од СВР Тетово, по претходно распишана централна потерница од СВР Охрид, од слобода го лишија Ж.Г.(53) од истото село кој се сомничи за сторено кривично дело „убиство“ по член 123 од кривичниот законик. Имено, денеска во 08:24 часот во СВР Охрид е пријавено дека во неговиот дом на улицата „Нада Филева“ во Охрид, без знаци на живот бил пронајден К.М.(76) од Охрид. На местото на настанот извршен е увид од надлежен јавен обвинител и полициски екипи, а лекар од Итната медицинска помош констатира смрт по што, по наредба на јавен обвинител, телото е предадено за обдукција. По целосно расчистување на случајот против Ж.Г. ќе биде поднесена соодветна пријава“, соопшти вчера МВР.

Извор: Охрид1