Малолетникот Коста К., кој на 3 мај 2023 година го изврши масакрот во училиштето „Рибникар“, повторно се појави пред судот како дел од постапката што се води против неговите родители. Тој беше снимен пред Клиниката за неврологија и психијатрија за деца и млади, каде што е сместен веќе подолг период.
По речиси три години престој во установата, јавноста повторно доби можност да види негови фотографии. Денеска, со санитет, бил пренесен до Специјалниот суд, каде што продолжи судењето против неговиот татко Владимир и мајката Миљана Кецмановиќ.
За време на сведочењето, Коста зборувал за своето училишно искуство, како и за односот со родителите. Тој изјавил дека имал вкупно 211 изостаноци од настава, при што само еднаш бил навистина болен, додека во останатите случаи се преправал дека е болен поради тоа што не сакал да оди на училиште.
Во својата изјава, тој исто така се обидел да ја заштити својата мајка, нагласувајќи дека нејзините барања не влијаеле врз неговата одлука да го изврши злосторството. Според него, тоа го сфатил дури подоцна, кога станал посвесен за своите постапки.
Апелациониот суд во Белград претходно ја укина најголемата пресуда против неговите родители, наведувајќи процесни пропусти. Единствено остана во сила делот со кој мајката беше ослободена од обвинението за нелегално поседување оружје.
Инаку, Миљана Кецмановиќ се товари за занемарување и злоупотреба на дете, додека таткото Владимир се соочува и со обвиненија за сериозно дело против општата безбедност. Во првото судење, тој беше осуден на 14 и пол години затвор, а мајката на три години, но таа пресуда беше поништена и постапката е вратена на повторно судење.
Веста ја пренесува Informer.rs
