Ова се новите цени на горивата: Дел од нив поскапуваат по полноќ

Од полноќ, на 24 март 2026 година, стапуваат на сила новите максимални малопродажни цени на нафтените деривати во земјава, при што дел од горивата бележат поскапување.

Цената на моторниот бензин ЕУРОСУПЕР БС-95 останува непроменета и ќе се продава по 86,50 денари за литар, додека ЕУРОСУПЕР БС-98 исто така не претрпува корекција и ќе изнесува 88,50 денари за литар.

За разлика од бензините, дизел горивото ЕУРОДИЗЕЛ БС (Д-Е V) поскапува за 3,50 денари по литар, со што новата цена достигнува 95,50 денари за литар.

Покачување има и кај екстра лесното масло за домаќинство (ЕЛ-1), чија цена се зголемува за 2,50 денари и ќе изнесува 92,00 денари за литар.

Цената на мазутот М-1 НС е утврдена на 47,610 денари за килограм.