Во Рим се случи сериозна експлозија која предизвика уривање на зграда и повреди повеќе лица. Според првичните информации, најмалку две лица се здобиле со тешки повреди, додека околу 70 жители останале на улица поради штетите.
Инцидентот се случил во улицата Виа Таванјаско, каде што експлозијата зафатила најмалку три објекти. Еден од нив целосно се урнал, додека другите претрпеле сериозни оштетувања.
Како можна причина се споменува истекување на гас, а според неофицијални извори, експлозијата можеби била предизвикана од пропанска плинска боца. Силата на детонацијата ги уништила ѕидовите на објектите, а делови од урнатините оштетиле и паркирани автомобили во близина.
Пожарникарските екипи извлекле две лица од под урнатините и ги предале на итната медицинска помош. Потрагата по евентуални други затрупани лица сè уште трае.
На местото на несреќата интервенирале пожарникари, полиција и медицински тимови, додека акциите за спасување и обезбедување на теренот се во тек.
Веста ја пренесува Kurir.rs
