За првпат по речиси шест децении, во Ал-Акса џамија не одекна повикот за молитва, откако израелските власти го спречија одржувањето на бајрамската молитва, оставајќи ги дворовите празни, а просториите обвиени во тишина.
Овој свет објект, кој со години бил живо средиште на молитва, духовност и собири, овојпат сведочеше за отсуство наместо за верници – за солзи и трпение наместо за заедничка молитва.
Според извештаите, оваа година не беше дозволено одржување на Бајрам-намазот, поради подолготрајни ограничувања што го опфатија и последниот петок од Рамазан, ноќта Лејлетул-Кадр, како и последните десет дена од светиот месец.
На 28 февруари, израелските власти ја затворија џамијата, како и Стариот дел на Ерусалим, повикувајќи се на вонредна состојба поврзана со заедничка воена операција на САД и Израел против Иран.
Ограничувањата не застанаа тука – тие се проширија и на Црквата на Светиот Гроб, каде што богослужбите за Велигденската недела и Велигден беа целосно укинати.
Неделните литургии и другите верски служби, кои требаше да привлечат стотици илјади верници во наредниот период, исто така беа откажани.
Веста ја пренесува Royanewsenglish
