Полицијата е во потрага по напаѓачот по бруталното убиство на маж (58) кој бил пронајден мртов во стан во станбена зграда. Според првичните информации, трагедијата се случила околу 13 часот, кога жртвата била нападната и смртно повредена со удари од чекан во главата.
Според неофицијални извори, мотивот за злосторството засега не е познат, но се претпоставува дека би можел да биде поврзан со нерешени деловни или лични конфликти.
По извршувањето на нападот, сторителот наводно ја напуштил зградата и се оддалечил во непознат правец. Полицијата веднаш започнала истрага и ги прегледува снимките од безбедносните камери поставени на влезот од објектот.
Неофицијално, истражителите анализираат најмалку две видеоснимки. На едната се забележува маж кој излегува од зградата додека разговара на телефон, а на друга снимка се гледаат тројца млади луѓе кои набрзина ја напуштаат зградата.
Надлежните институции сè уште официјално не се огласиле за овој тежок случај, ниту пак е соопштено дали истрагата довела до конкретни осомничени лица.
фото: Телеграф.рс
