Филипче: Пари за авион има, а за плати нема – ова е безобразие

Претседателот на опозициската партија СДСМ, Венко Филипче ја обвини владејачката ВМРО-ДПМНЕ дека не се грижи за работниците.

Филипче ја критикуваше Владата по најавите дека ќе се купува нов владин авион, додека синдикатите се на улица и бараат зголемување на минималецот на работниците.

„Ова не ме зачудува, зашто власта се грижи само за себе. Штрајкуваат работници надвор, а тие вчера најавуваат купување на нов владин авион. Кој е тој степен на безобразие, ова на ништо не личи. Додека некои бараат поголеми плати, тие се луксузираат“, обвини Филипче.