Само неколку дена откако пејачката Милица Тодоровиќ се породи и на свет донесе син по име Богдан, јавноста е потресена од нови тврдења поврзани со идентитетот на таткото на детето.
Иако Милица од самиот почеток одби да открие кој е таткото, во медиумите почнаа да кружат информации дека станува збор за маж кој веќе е во брак и има семејство. Денес, за првпат, во јавноста се огласи жена која тврди дека токму таа е неговата сопруга.
Според нејзината исповед, тие се во брак 19 години и имаат два сина. Таа открива дека пред околу еден месец нејзиниот сопруг ѝ признал дека очекува дете со Милица Тодоровиќ.
– Бев во шок. Решив веднаш да ја побарам Милица. Ја сретнав пред нејзината зграда, ме покани во станот да разговараме. Таму беше и мојот сопруг. Со неа разговарав смирено, со него – не. Имав сомнежи, но никогаш не проверував пораки или телефони. Ние 19 години живееме заедно и имавме нормален брак – раскажува таа.
Жената тврди дека Милица ѝ признала дека е во врска со нејзиниот сопруг околу една година и дека очекува тие да се разведат, по што тој би продолжил живот со неа и детето.
– Јас и моите деца поминуваме низ вистински пекол. Најмногу ме боли што никој не праша како се нашите деца и како ова влијае врз нив. Тоа, очигледно, не беше тема – додава таа, истакнувајќи дека немала намера да ја напаѓа пејачката и дека дури се обидела да ја заштити од јавни напади.
Скандалот дополнително ја бранува јавноста, а засега Милица Тодоровиќ не се огласи по овие обвинувања.
Веста ја пренесува Курир.рс
