Граѓани бараат забрана на социјални мрежи за деца до 12 години во Македонија

Граѓанската иницијатива „Иницијатива за безбедно детство“, составена од загрижени родители, наставници, стручни лица и граѓани поднесе петиција за забрана за користење на социјални мрежи за деца до 12 години.

„Децата во Македонија растат во дигитална средина во која социјалните мрежи се дел од секојдневието – учење, дружење, самоизразување. Но овие платформи не се дизајнирани првенствено за заштита на малолетници, туку за максимизирање на внимание, ангажман и време поминато пред екран.

Дел од алгоритмите активно поттикнуваат континуирано користење и промовираат сензационалистичка и вирусна содржина. Кај возрасните тоа може да создаде зависност и навики; кај децата и адолесцентите, кои сè уште се во развој, последиците можат да бидат посериозни.

Во нашето општество веќе сведочиме на:

●       нарушено ментално здравје

●       онлајн врсничко насилство

●       опасни „предизвици“

●       изложеност на несоодветни содржини

●       нарушена самодоверба и концентрација“, велат во петицијата која може да ја најдете ТУКА.