Холивудскиот актер и ѕвезда на филмскиот хит „Magic Mike“, Ченинг Тејтум, итно е хоспитализиран и подложен на операција на рамото, што предизвика загриженост кај неговите обожаватели ширум светот.
Актерот (45) самиот ја сподели веста преку социјалните мрежи, објавувајќи фотографија од болничкиот кревет, облечен во медицинска облека. Заедно со фотографијата, Тејтум откри и рендгенски снимки од рамото, на кои може да се забележи сериозна повреда – раздвоени коски и вграден метален шраф.
Под црно-белата фотографија од болницата, актерот напиша кратка, но емотивна порака:
„Уште еден ден. Уште еден предизвик. Ова ќе биде тешко. Но, ајде – одиме понатаму.“
Тој не откри како точно настанала повредата, ниту дали има поврзаност со претходните здравствени проблеми што ги имал минатото лето за време на снимањето на филмот „Avengers: Doomsday“. Тогаш, поради повреда на ногата, Тејтум мораше да користи дублери за дел од акционите сцени.
Во интервју за „Variety“ во септември 2025 година, актерот призна дека го очекува долг и напорен период на рехабилитација.
„Не станува збор за моменталната болка“, изјави тогаш Тејтум. „Проблемот е што не можам едноставно да се вратам назад. Сега знам како ќе изгледаат следните шест месеци од мојот живот.“
Покрај физичките предизвици, актерот искрено проговори и за борбата со годините:
„Искрено, мразам што стареам. Во мојата глава јас сè уште имам 30, или подобро речено – 26 години.“
