Како што објави порталот skopje1.mk, инспекциските служби на Агенцијата за храна и ветеринарство (АХВ), во координација со Центарот за социјални работи – Охрид и Министерството за внатрешни работи, спровеле вонреден инспекциски надзор по видеото што се појави на социјалните мрежи, а кое предизвика силни реакции во јавноста.
Надзорот бил извршен по бројни иницијативи и пријави од граѓани, доставени до АХВ во текот на вчерашниот ден, по што институцијата веднаш постапила.
Според утврдената состојба, кучето прикажано во видеото не било идентификувано со микрочип и не било вакцинирано, што претставува прекршување на законските прописи. Поради тоа, на сопственикот ќе му биде изречена соодветна парична казна.
Дополнително, како инспекциска мерка поради нарушена благосостојба на животното, малтретираното куче е одземено од сопственикот, соопшти Агенцијата за храна и ветеринарство, пренесува skopje1.mk.
Извор: skopje1.mk
