Фото: Принтскрин
Претставничката на „Гласен Текстилец“, Кристина Ампева испрати порака до политичарите пред денешниот протест на синдикатите и работниците за повисоки плати во Македонија.
Протестот е закажан за 17 часот во Скопје, а Ампева упати порака до политичари кои почнаа да даваат поддршка на протестот, оценувајќи дека токму политичарите го турнале работникот во катастрофална состојба во државава.
„Бидејќи гледам политички партии почнаа да даваат поддршка на протестот, јас да си кажам дека треба да си тргнат канџите од утрешниот протест! И да не помислат да дојдат.
Се виде сите партии 30 и кусур години што направија за македонскиот работник, па нејасно ми е како сега уста полна со работниците и нивните плати.
Одј*бете од утрешниот протест!
Никаков аир ако давате поддршка, нема никому услуга да направите. Само штета.
Оставете ги работниците сами да се изборат за нивните права, плати и достоинство.
Фала на внимание.
И пак, се гледаме драги колеги и колешки од работничка вероисповест утре во 17 часот во Скопје!
Работнички поздрав!“, напиша Ампева.
