Во објава на Фејсбук, граѓанинот Дејан Николовски упати три директни прашања до министерот за внатрешни работи, Оливер Тошковски, поврзани со примената на законот за безбедност во сообраќајот.
Во својата објава, Николовски поставува прашања што се однесуваат на ситуациите кога граѓаните би можеле да бидат казнети додека помагаат на болни или повредени лица. Тој се прашува дали би бил казнет ако:
- Застане на Партизанска со температура и земе лекови на 5 минути.
- Застане на главна сообраќајница за да качи сопатник.
- Возил болен или повреден во болница, при што е итно, и дали ќе биде казнет за брзо возење и трубење.
Во објавата, тој посочува дека според Законот за безбедност на сообраќајот, кривично се одговара доколку не му се пружи помош на повреден, и поставува дилема дали граѓаните кои помагаат ќе бидат казнети за прекршување на сообраќајните правила.
Николовски додава дека неговите прашања не се однесуваат на ситуации како пазарење, банки, кафани и кафиќи, туку исклучиво на итни случаи каде се бара брза реакција и помош.
