Фото: Принтскрин
Претседателот на Сојузот на синдикати на Македонија (ССМ), Слободан Трендафилов ги повика работниците да им се приклучат на протестот закажан за 28 јануари во 17 часот. Стартот ќе биде пред Работничкиот дом, по што ќе се продолжи пред Собранието и Стопанската комора, а ќе заврши пред Владата на Македонија.
„Нема на кого да му се плашите, на 28 јануари во 17 ч., придружете ни се, облечете се топло, капа, шал и во темницата застанете со работниците“, напиша Трендафилов.
Барањата се 600 евра минимална плата за работниците во Македонија, како и зголемување на сите останати плати за 6.000 денари.
