Фото: zamin.uz
Страшен и вознемирувачки случај ја потресе јавноста во Истанбул. На 24 јануари 2026 година, во населбата Шишли, случаен минувач кој пребарувал по контејнери наишол на морбидна глетка – завиткано тело без глава фрлено во отпад.
Настанот бил пријавен околу 19:40 часот, по што на местото веднаш интервенирале полициски екипи и обвинителството. По извршените првични проверки, било утврдено дека жртвата е Хакимова Дурдона, државјанка на Узбекистан.
Според досегашните информации од истрагата, две лица – исто така државјани на Узбекистан – се приведени под сомнение за вмешаност во убиството. Тие биле уапсени додека се обидувале да ја напуштат Турција и да избегаат кон Грузија.
Генералниот конзулат на Узбекистан во Истанбул потврди дека е во контакт со семејството на жртвата и дека им се обезбедува неопходна конзуларна и правна поддршка. Случајот е под постојан надзор, а истрагата продолжува со полна интензивност.
Фото: zamin.uz
