Фото: Принтскрин
Претседателот на Сојузот на синдикати на Македонија (ССМ), Слободан Трендафилов уште еднаш упати јавен повик до граѓаните да се приклучат на протестот на 28 јануари во 17 часот на кој ќе се бара повисока минимална плата, но и зголемување на останатите плати.
„Не ги срам да замат 250 евра зголемување на функционерските плата, а да дадат на работниците 25 евра зголемување на минималната плата ? Си играат со работничката судбина, со работничката пот, со работничката мака, и си играат многу долго време !
Ние не можеме да го дозволиме тоа и затоа ќе се бориме за секој еден работник. И еден работник да излезе на улица, Сојуз на синдикатите на Македонија ќе биде со него и ќе бара зголемување на неговата плата ! Затоа, на 28 јануари, во 17 часот пред ССМ, Протестираме за плата“, објави Трендафилов.
