Во сабота, на 24 јануари 2026 година, се навршува една година од трагичното заминување на младата Фросина, чиј живот беше прерано прекинат, оставајќи длабока болка и празнина кај семејството, пријателите и сите кои ја познаваа.
По тој повод, семејството на Фросина организира помен / парастос, кој ќе се одржи во 11:00 часот на градските гробишта во Неготино. Семејството упати јавен повик до сите роднини, пријатели, другари и колеги кои ја носат Фросина во своите срца – да дојдат, да запалат свеќа и со молитва да ѝ оддадат почит.
„Една година помина, но за нас – болката не поминува. Таа не се мери со време, туку со празнината што останува засекогаш“, порачуваат од семејството.
Фросина, како што велат најблиските, не била само млад живот, туку симбол на светлина, добрина, чистина и љубов, центарот на своето семејство и радост за сите околу себе. Нејзиниот спомен и понатаму живее во срцата на оние што ја сакале.
Семејството упатува апел до сите кои можат – со молитва и палење свеќа да го осветлат нејзиниот вечен дом и да не дозволат таа да биде заборавена.
🕯️ Помен: Сабота, 24.01.2026 – 11:00 часот
📍 Локација: Градски гробишта, Неготино
Вечна слава и спомен за Фросина.
