Бугарија добива историски пресврт – првпат во историјата, државата ќе ја води жена. Илијана Јотова ќе ја преземе функцијата претседателка, откако Уставниот суд ја прифати оставката на Румен Радев.
Ова значи дека Радев станува првиот бугарски претседател кој ја напушта функцијата преку оставка, а неговата поранешна потпретседателка ќе ја заврши мандатата до крајот на годината.
Јотова доаѓа од редовите на БСП, партијата со која Радев ја започна својата политичка кариера. Во последните девет години, таа често ја застапуваше неговата позиција и имаше голема улога во неговото владеење, па не е ни чудо што е првиот избор за наследник.
Уставниот суд едногласно ја одобри оставката на Радев со 12 гласа, што значи дека Јотова веднаш ја презема функцијата.
Во следниот период, таа ќе мора да формира привремена влада и да ги подготви условите за предвремените парламентарни избори, кои се очекуваат кон крајот на март или почетокот на април.
