Фото: Принтскрин
Претседателот на Сојузот на синдикати на Македонија (ССМ), Слободан Трендафилов испрати јавен повик до работниците да се приклучат на протестот закажан за 28 јануари во 17 часот.
„Повисоки плати и поголеми права не можат да се обезбедат од дома“, кажа Трендафилов.
Првиот човек на ССМ побара работниците да се приклучат на масовниот протест на 28 јануари затоа што со седење дома се дава поддршка на политиката на ниски плати.
Основните барања на ССМ се зголемување на минималецот на 600 евра, како и зголемување на останатите плати за 100 евра.
