Фото: Принтскрин
Утрово граѓаните се разбудија под снежна покривка, а дел од возачите имаа потешкотии поради снегот во главниот град, меѓутоа екипите веќе излегоа на терен да помогнат.
Веднаш се јави и градоначалникот на Град Скопје, Орце Ѓорѓиевски кој кажа дека се чистат улиците и булеварите.
„Снегот не е изненадување во зима – подготвеноста е наша обврска!
Од раните утрински часови, екипите на Град Скопје се постојано на терен и интензивно работат на расчистување на снегот од улиците и булеварите што се под надлежност на градот.
Со цел навремена и ефикасна реакција, кризниот штаб е активиран 24 часа дневно, со континуирано следење и детектирање на сите клучни и критични точки.
Безбедноста на граѓаните е наш приоритет.
Затоа, апелираме до сите учесници во сообраќајот да возат внимателно, да ги почитуваат сообраќајните правила и да ја прилагодат брзината и начинот на возење на зимските услови.
Со одговорност, навремена акција и заедничка грижа – Скопје се движи безбедно и во зима“, објави градоначалникот.
