„Од такви родители ‘еве ти сине кола’ излегуваат деца што газат пешаци“, реагира „Ина Многуфина“ за инцидентот во Капиштец

Министерството за внатрешни работи (МВР) издаде потерница по возачот кој прегази жена во Капиштец, а по тоа реагираше познатата „Ина Многуфина“

„Берберот кој ја згази жената во Капиштец и ја уби е еден од оние што се снимаат додека брзо возат. Оние кои лесно може да се идентификуваат бидејќи буквално сами се фалат со дебилното понашање. Далеку од тоа дека родителите не знаеле, веројатно гледале што постира, возењето на колата не било прв пат, има слики дека возел и додека бил малолетен. Ако го разгледате профилот и на татко му, пасатот е на профилна слика, како некаков трофеј.

Па му го давал на син му да дивее по улици. Немал возачка, може мислеле за пасат не мора возачка. Од такви родители “еве ти сине кола” излагаат деца што убиваат пешаци. Таков малолетен лик без возачка беше тој што го згази доктор Јота, не лежеше, беше нечив. Вакво “еве ти сине кола” беше и оној што ја згази Фросина, ваков е и овој. Не е само до децата, криви се и тие што ги учат да не почитуваат закон“, објави инфлуенсерката.