Фото: Принтскрин
Бадник е на 6 јануари и тоа е денот со кој почнува Божиќната прослава. Уште рано наутро се оди по бадникови гранчиња, а потоа се подготвува трпезата за Божиќ.
Бадниковата вечер е посна, односно се подготвуваат гравче, риба и други посни јадења.
Пред Божиќ се земаат дабови гранчиња и мала количина слама, по што се палат свеќа и кандило, а куќата се кади со темјан. Исто така, се меси тесто за погача и во неа се става метална паричка.
Кога ќе се испече, таа се изнесува на Бадниковата вечера и потоа се крши на делови колку што има членови во семејството. Кај кого ќе се падне паричката, тој ќе биде среќен цела година.
