Фото: Принтскрин
Македонскиот доктор Горан Трајковски, кој е многу активен на социјалните мрежи, си отвори приватна ординација во Германија.
Трајковски на социјалните мрежи ја објави оваа вест и ги израдува своите фанови кои веднаш му честитаа.
„Денес беше мојот прв работен ден како сопственик на своја ординација и сам свој шеф.Возбудлив, но и застрашувачки период за мене – и 2025, и 2026 носат големи промени.
Сега имам не само одговорност за здравјето на луѓето, туку и материјална одговорност кон моите вработени и фирмата.
Доjде момент кога повеќе не можев да најдам задоволство во болничката работа. Следниот логичен чекор беше да ја практикувам медицината така како што јас ја разбирам и чувствувам – иако тоа значеше излегување од „удобната зона“ и превземање ризик.
Се надевам дека овие простории ќе бидат место каде луѓето ќе се чувствуваат безбедно и згрижено. Се молам на Господ да ми даде мудрост да постапувам правилно.
Ординацијата работи со сите германски осигурувања, секако и приватно и секој е добредојден.
Драги пријатели, посакајте ми среќа – ќе ми треба“, објави Трајковски.
