Фото: Принтскрин
Министер за Економија и Труд, Бесар Дурмиши објави важна информација за студентите и пензионерите која почна да важи од 1 јануари 2026 година.
„Годината ја започнуваме со добри вести!
Денес, 1 јануари, започнува примената на законот што ја става сезонската и привремената работа во јасна законска рамка, што значи помалку сива економија. Студентите и пензионерите сега можат да се ангажираат во сезонска и привремена работа без страв дека ќе ги изгубат правата или бенефициите што им следуваат.
Оваа мерка е едноставна, но многу значајна:
– им овозможува на граѓаните да заработуваат со достоинство
– им помага на бизнисите полесно да најдат работна сила
– го формализира пазарот на труд и ја намалува сивата економија
Исто така, од денес започнува примената на Законот за финансиска поддршка на инвестициите, со нов модел кој има за цел да ги стимулира квалитетните инвестиции, да поттикне отворање нови работни места и да ја зголеми конкурентноста на економијата.
Новата година започнува со примена и со резултати.
Среќна 2026“, објави министерот.
