Шест пати биле извршени контроли во „Усје“ – не било откриено загадување над дозволеното

Државниот инспекторат за животна средина извршил неколку контроли во „Титан Цементарница Усје“, при што не биле пронајдени прекршувања.

Иако граѓаните често реагираат за загадениот воздух во главниот град, а се бараше и дислоцирање на „Усје“, сепак инспекторите не утврдиле прекршување на прописите.

„Последните вонредни надзори беа извршени ноќе, на 18 ноември во 22 часот со инспектор од Град Скопје и на 18 декември со инспектор од општина Кисела Вода. Кај сите надзори не се утврдени неправилности во работата на овој правен субјект“, кажа директорката Ивана Гиновска.