Фото: Принтскрин
Крсто Дуковски од Прилеп објави снимки на неговиот профил на Фејсбук откако бил ограбен од разбојници среде ноќ.
Тутунарот вели дека крадците му одземале голема количина на тутун, што е директен удар врз животот на неговото семејство.
„Минатата година беше најтешката за мене и мојата фамилија – товар што никој друг не може да го почувствува под мојата кожа. Оваа година вложивме сè: мака, здравје, пари и трпение, со надеж дека трудот и надчовечката жртва ќе го покрие ланскиот непребол.
Ова што го гледате на ВИДЕАТА е кражба на голема количина на тутун.
Ова е кражба на месеци натчовечки труд, надеж и иднина.
Решив да ги објавувам видеата не од омраза, туку за да се разбуди свеста и емпатијата и да се охрабри полицијата што побрзо да ги пронајде сторителите.
Ако некој ги препознае лицата, ве молам пријавете во полиција.
Земјоделецот не бара милостина – бара правда и почит за својот труд“, објави тутунарот.
